Жаратылыш ресурстары министрлиги 525 гектар аңчылык жерине конкурс жарыялады
Жаратылыш ресурстары, экология жана техникалык көзөмөл министрлиги Талас жана Ош облустарындагы 3 аңчылык жеринде аңчылык ишин жүргүзүүгө конкурс жарыялаганын жана документтер Бишкек шаарында 2025-жылдын 2-декабрынан 31-декабрына чейин кабыл алынарын “economist.kg” сайты жазды.
Жарыяда көрсөтүлгөн аңчылык участоктору төмөнкүлөр:
- Талас облусунун Талас районундагы 205 956 гектар аянтты ээлеген №2 участок;
- Талас облусунун Айтматов районундагы 218 009 гектар аянтты ээлеген №3 участок;
- Ош облусунун Кара-Кулжа районундагы 101 812 гектар аянттагы №2 участок.
Конкурска төмөндөгүдөй юридикалык жактар катыша алышат:
- аңчылык жана аңчылык чарбасынын түрлөрү боюнча түзүүчүлүк документтерине ээ;
- башкаруучулары “А” же “Б” категориядагы мамлекеттик аңчылык күбөлүгүнө ээ болгон жактар.
Конкурстук документтер пакетин Бишкек шаарынын Эркиндик бульвары 2 дарегинин 1-кабатында,№146 кабинетте кабыл алынып жатат. Байланыш телефону: +996 (559) 30-11-20.
Документтер жана арыздар ошол эле дарекке 2-декабрдан 31-декабрга чейин кабыл алынат.
Конкурс Талас жана Ош облустарындагы участоктор боюнча 2026-жылдын 21-январында болот. Жыйын Бишкек шаарынын Эркиндик бульвары 2 дарегинин, 1-кабатында, №145 конференц-залында өтөт.
