Манас шаарында ири социалдык объектилер курулуп жатат
Министрлер Кабинетинин Төрагасы Адылбек Касымалиев Манас шаарында бир катар ири социалдык объектилердин курулушунун жүрүшү менен таанышты. Бул тууралуу Өкмөттүн басма сөз кыматынан билдирди.
Сапардын алкагында 5 200 орундуу Спорт сарайы, жүрөк-кан тамыр хирургиясы боюнча түштүк аймактык илимий борбор жана президенттик "Акылман" лицейинин курулушу текшерилди. Объекттер заманбап инженердик жана курулуш стандарттарына ылайык иштелип чыгууда.
Спорт комплекси бассейн, спорттук аянтчалар, конференц-зал жана трибуналарды камтыйт. Илимий борбор 250 орунга ылайыкташтырылып, жогорку технологиялуу кардиохирургиялык жардам көрсөтүүгө мүмкүндүк берет. Лицейге 420 окуучу үчүн окуу корпусу, жатакана жана 25 батирлүү турак жай кирет.
Объекттер 2026-жылы этап-этабы менен пайдаланууга берилип, сапаттуу курулуш жана графикти сактоо өкмөттүн региондорду өнүктүрүү жана социалдык кызматтардын сапатын жогорулатуу боюнча негизги приоритети болуп калат.
