Саясат

А.Касымалиев: 2025-жылга бюджет 1,1 трлн сомдон ашаары күтүлүүдө

Ишкер Media

09 дек. 2025 09:46

Министрлер Кабинетинин Төрагасы Адылбек Касымалиев өткөргөн кезектеги жыйында өлкөнүн бюджеттик жана экономикалык көрсөткүчтөрү боюнча маанилүү маалыматтар айтылды. Жыйында "Кыргыз Республикасынын 2025-жылга жана 2026-2027-жылдардын пландык мезгилине республикалык бюджети жөнүндө" Мыйзамга өзгөртүүлөрдү киргизүү боюнча долбоор каралып, Министрлер Кабинети аны жактырды.

Жыйында Касымалиев Кыргызстан 2025-жылга расмий түрдө тарыхый көрсөткүчкө жетип, консолидацияланган бюджеттин көлөмү 1,1 триллион сомдон ашканын билдирди. Быйылкы жылы бекитилген консолидацияланган бюджет 708,8 млрд сом болсо, жыл аягында бул сумма 381,7 млрд сомго өсүп, 153,8% жогорулоо менен жыйынтыкталары айтылды. Мындан тышкары, өлкө 2024-жылды 10 млрд сомдон ашык профицит менен жабарын белгиледи.

Өлкөнүн макроэкономикалык көрсөткүчтөрүнө ылайык, үстүбүздөгү жылдын 10 айында ИДП 10%га өстү. Эл аралык валюта фондунун маалыматы боюнча Кыргызстан реалдуу ИДП өсүшү боюнча дүйнөдөгү алдыңкы үч өлкөнүн катарына кирди. Бюджетте ИДПнын көлөмү 1 трлн 624 млрд сом деп бекитилген болсо, он айдын жыйынтыгы боюнча 1 трлн 427 млрд 359 млн сомду түздү, ал эми жылдын аягында бул көрсөткүч 1 трлн 779 млрд сомго жетери болжолдонууда. Экономиканын бардык тармактарында өсүү катталып, өзгөчө курулуш секторундагы жылдык өсүү 42,8%ды түзгөнү белгиленди. Адам башына ИДП 2025-жылга 2616 доллар деп пландалган менен, жылды жыйынтыктоо менен 2770 долларга жетери күтүлүүдө.

Касымалиев Улуттук банктын маалыматтарына да токтолуп, Кыргызстандагы алтын-валюта резервдери 2025-жылдын октябрь айында дээрлик 8 млрд долларга — тактап айтканда 7 млрд 955,10 млн долларга жеткенин, бул бир жыл ичинде 3 млрд 20,34 млн долларга көбөйгөнүн билдирди. Ошондой эле дүйнөлүк экономикада өсүү темпинин басаңдоосу байкалганы менен, саясий туруктуулук шартында Кыргызстандын экономикасы туруктуу түрдө оң динамикада өнүгүп жатканын белгиледи.

Жыйындын соңунда Министрлер Кабинети республикалык бюджетке өзгөртүүлөрдү киргизүү боюнча чечимди жактырды.

Мындан тышкары окуңуз

Быйыл Бишкек инфраструктурасын өнүктүрүүгө 611,2 млн сом бөлүнгөн

Быйыл Бишкек шаарында 64 инфраструктуралык объектти ишке ашырууга 611,2 миллион сом каралган. Бул тууралуу борбор калаанын 2026-жылдын биринчи жарым жылдыгынын жыйынтыктарына арналган коллегиялык жыйында маалымдалды. Маалыматка ылайык, 2026-жылдын маанилүү окуяларынын бири Бишкек шаарынын 2050-жылга чейинки Башкы планынын бекитилиши болду. Документ борбор калааны алдыдагы 25 жылда өнүктүрүүнүн

Караколдо жаңыланган Пушкин сейил багы пайдаланууга берилди

Каракол шаарындагы А.С. Пушкин атындагы борбордук сейил бак реконструкциядан кийин пайдаланууга берилди. Жаңыланган эс алуу жайынын ачылыш аземине Министрлер Кабинетинин төрагасы Адылбек Касымалиев катышты. Бул тууралуу Курулуш министрлигинен билдиришти. Кечээ Каракол шаарындагы А.С. Пушкин атындагы борбордук сейил бак реконструкциядан кийин расмий түрдө пайдаланууга берилди. Ачылыш аземине Министрлер Кабинетинин

Бишкектеги эки мектеп жаңыланып, заманбап спорт аянтчалары курулууда

Бишкек шаарынын мэри Айбек Жунушалиев №58 жана №112 мектептерде жүргүзүлүп жаткан курулуш жана оңдоо иштеринин жүрүшү менен жеринен таанышты. Мэриянын маалыматына ылайык, №58 мектептин аймагында кичи футбол жана баскетбол аянтчалары, воркаут жана балдар аянтчалары курулууда. Ошондой эле тышкы жарыктандыруу орнотулуп, чуркоо жолдору, пандустар жана отургучтар коюлат. Мындан тышкары, тротуарлар менен

VI Дүйнөлүк көчмөндөр оюндары: негизги иш-чаралар кайда жана качан өтөт?

VI Дүйнөлүк көчмөндөр оюндарынын ачылыш аземи Бишкек шаарындагы “Бишкек аренада” башталып, негизги бөлүгү 2026-жылдын 1–6-сентябрында Ысык-Көл облусунда өтөт. Оюндардын расмий программасы бекитилип, ага спорттук мелдештерден тышкары маданий жана илимий иш-чаралар да киргизилди. Иш-чаранын негизги аянтчалары * Курманжан Датка атындагы Көчмөндөр цивилизациясы борбору: 1–6-сентябрга