А.Касымалиев Москвада илим жана технологиялар конференциясына катышты
Министрлер Кабинетинин Төрагасы 12-декабрда Россиянын Москва шаарына жумуш сапары менен барып, илим жана технологиялар жаатындагы эл аралык конференцияга катышты. Бул тууралуу Өкмөттүн басма сөз кызматынан билдиришти.
Сапардын алгачында Касымалиев ВДНХдагы “Атом” павильонундагы музей менен таанышып, атомдук энергиянын тарыхы, советтик атомдук долбоордун башталышынан бүгүнкү күнгө чейин жетишкендиктери тууралуу маалымат алды.
Конференцияда экологиялык коопсуздукту жана энергиянын натыйжалуулугун камсыз кылуу максатында газ жана суюк чөйрөлөрдү тазалоо системалары, радиоактивдүү калдыктарды коопсуз сорттоо үчүн роботтоштурулган системалар, лазерлер, оптоэлектроника, 5G технологиялары, медицина жана айыл чарба үчүн инновациялык материалдар жана компоненттер боюнча презентациялар көрсөтүлдү.
Иш-чаранын негизги максаты – илимий жана технологиялык кызматташтыкты өнүктүрүү, энергиянын натыйжалуу жана коопсуз пайдаланылышын камсыздоо болду.
