“Кытай-Кыргызстан-Өзбекстан” темир жолунун курулушун каржылоо макулдашылды
Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Төрөбаев “Кытай-Кыргызстан-Өзбекстан” темир жолун куруу долбоорун каржылоо боюнча насыялык макулдашууга кол коюу аземине катышты. Бул тууралуу өкмөттүн басма сөз кызматынан билдирди.
Макулдашууга долбоорду ишке ашыруучу “Кытай-Кыргызстан-Өзбекстан” темир жолу компаниясы” ЖЧКсы жана Кытайдын мамлекеттик өнүктүрүү банкынан жана ЭксимБанкынан турган Кытай Эл Республикасынын Банктар Синдикаты кол койду.
Долбоордун баасы 4,7 миллиард долларга бааланган. Анын тең жарымын, тактап айтканда 2,3 миллиард долларды Кытай үч өлкө түзгөн Биргелешкен долбоордук компанияга 35 жылдык насыя катары берип жатат. Калган 2,3 миллиард долларды үч мамлекет биргелешип каржылайт: Кытай 51%, Кыргызстан менен Өзбекстан ар бири 24,5%дан чыгарат.
Аземде сөз сүйлөгөн Бакыт Төрөбаев инвестициялык макулдашуунун негизги милдеттеринин бири – каржы маселелерин 2025-жылдын 20-декабрына чейин толук камсыз кылуу экенин белгилеп, бүгүнкү кол коюу ушул милдеттин аткарылышынын көрүнүшү экенин айтты.
Би“Кытай-Кыргызстан-Өзбекстан” темир жолунун курулушун каржылоо макулдашуусу түзүлдү“Кытай-Кыргызстан-Өзбекстан” темир жолунун курулушун каржылоо макулдашуусу түзүлдүргелешкен долбоордук компаниянын Башкы директору Чжоу Син каражаттарды натыйжалуу пайдалануу жана милдеттенмелерди өз убагында аткарууну камсыз кылуу маселеси толук ишке ашырыларын билдирди.
Долбоор техникалык жактан татаал. Анын алкагында 120 чакырымды түзгөн 50 көпүрө жана 29 туннель курулат. Жалпы темир жолдун 40%ы туннелдер жана көпүрөлөр түзөт. Кыргызстандын аймагындагы темир жолдун узундугу 304 чакырымдан ашат.
Эскерте кетсек, долбоордун курулушуна 2024-жылдын 27-декабрында старт берилген, анда Кыргыз Республикасынын Президенти Садыр Жапаров, Кытай Эл Республикасынын Төрагасы Си Цзинпин жана Өзбекстан Президенти Шавкат Мирзиёев долбоордун маанилүүлүгүн белгилешкен.
