Садыр Жапаров Япониянын императору Нарухито менен жолугушту
Бүгүн, 19-декабрда Президент Садыр Жапаров Японияга болгон расмий сапарынын алкагында Япониянын императору Нарухито менен жолугушту.
Жолугушуунун жүрүшүндө тараптар достук мамилелерди бекемдөө, маданий-гуманитардык кызматташтыкты өнүктүрүү жана эки элдин ортосундагы түшүнүшүүнү кеңейтүү маселелерин талкуулашты.
Президент сапарында Осакадагы ЭКСПО-2025 Бүткүл дүйнөлүк көргөзмөсүндө Кыргызстандын Улуттук павильонуна алтын сыйлык ыйгарылганын белгиледи. Ошондой эле Япониянын технологиялары, билим берүү программалары жана стипендиялык мүмкүнчүлүктөрү Кыргызстандын өнүгүүсүнө маанилүү экенин баса белгиледи.
Садыр Жапаров Император Нарухитону 2027-жылы өтө турган "Бишкек+25" Экинчи глобалдык тоо саммитине чакырды жана анын Кыргызстанга сапары эки тараптын мамилелерин тереңдетүүгө чоң салым кошоорун белгиледи.
