Ак-Талаа районунда 220 бодо мал, 1500 кой, эчки бордой турган комплекс ачылды
Ак-Талаа районунда заманбап мал бордоо жана мал союу комплекси ишке берилгенин Суу ресурстары, айыл чарба жана кайра иштетүү өнөр жайы министрлигинен билдиришти.
Аталган ишкана мамлекет тарабынан жүргүзүлүп жаткан ырааттуу агрардык саясаттын, ошондой эле жеке сектор менен мамлекеттин ортосундагы натыйжалуу өнөктөштүктүн айкын мисалы болуп саналат.
Мал бордоо комплекси 200 баш бодо малды (уй, жылкы) жана 1500 баш майда жандыкты (кой, эчки) багып семиртүүгө ылайыкталган. Ошондой эле комплекс суткасына 100 баш мал союу мүмкүнчүлүгүнө ээ болуп, заманбап санитардык жана ветеринардык талаптарга толук жооп берет.
Жаңы ишке кирген комплекс Ак-Талаа районунун социалдык-экономикалык өнүгүүсүнө олуттуу салым кошуп, жергиликтүү дыйкан-фермерлердин мүмкүнчүлүктөрүн кеңейтет.
