Президент шайлоого катышуу боюнча жалган айткандарды ачыкка чыгарарын билдирди
Президент Садыр Жапаров Курултайда парламенттик шайлоодо шайлоочулардын катышуусунун аз болгондугун өкүнүү менен билдирди.
"Биз дистанциялык добуш берүүнү киргиздик. Мисалы, сиз Ош шаарында болсоңуз — базарда, соода борборлорунда шайлоо тилкелерин ачтык: кирип, 5 мүнөттө эле добуш берсеңиз болот. Москвада, Чикагодо, ал тургай Африкада болсоңуз да добуш берсеңиз болот. Мен шайлоочулардын катышуусу 70% болот деп үмүттөнгөм. Бирок катышуу болгону 37% болду, мурдагыга караганда болгону 200 миң адамга гана көбөйдү", — деди президент.
«Биз өзүбүз пассивдүү элбиз, бирок депутаттарды катуу сындап, ар кандай сөздөрдү айтабыз. Бир нерсе болсо эле депутаттарды сындай баштайсыңар, мен муну көрүп турам. Добушун саткандар шайлоого активдүү катышат. Ал эми добушун сатпагандар пассивдүү болуп, шайлоого барбай коюшат. Элестеткиле, шайлоого 37% гана катышты, калган 63% шайлоого келген жок. Ошондуктан мурда Жогорку Кеңеш шайлоосуна милдеттүү катышууну киргизген мыйзам кабыл алышыбыз мүмкүн экенин айткам", — деди Садыр Жапаров.
Андан соң президент Жогорку Кеңештин депутаттарына кайрылып, элдин шайлоого катышуусун жогорулатуучу мыйзам долбоорун иштеп чыгууну же жоопкерчиликти күчөтүү максатында айып пул салууну, же Сингапурдагыдай — эгер азыркы шайлоого катышпаса, кийинки шайлоого катышууга тыюу салуу сыяктуу чараларды кароону сунуштады.
