Президенттин Администрациясында жыл жыйынтыгы чыгарылды
Министрлер Кабинетинин Төрагасы Адылбек Касымалиев Кыргыз Республикасынын Президенттинин Администрациясынын кызматкерлеринин жалпы жыйынында 2025-жылдын жыйынтыгын чыгарды. Иш-чаранын жүрүшүндө бир катар кызматкерлерге Министрлер Кабинетинин Ардак грамоталары тапшырылды.
Жыйынды ачып жатып, Адылбек Касымалиев 2025-жыл Администрация үчүн мазмундуу жана жооптуу болгонун, бирок командалык иштин аркасында бардык милдеттер аткарылганын белгиледи. Ал жылдын жыйынтыгы боюнча олуттуу натыйжаларга жетишилгенин, алардын эл аралык деңгээлде да жогору бааланганын баса белгиледи.
2025-жылдагы негизги ийгиликтер:
- Өлкөнүн ИДПсы 1,8 триллион сомго жетти;
- Консолидацияланган бюджет биринчи жолу 1 триллион сомдон ашты;
- Республикалык бюджет 34,3 миллиард сом профицит менен аяктады;
- Өнүктүрүүгө кеткен чыгымдар социалдык чыгымдардан ашты;
- 341 инфраструктуралык объект ишке берилди.
Адылбек Касымалиев кызматкерлердин берилип иштегендиги жана кесипкөйлүгү үчүн ыраазычылык билдирип, 2026-жылы Президенттин Администрациясы бирдиктүү команда болуп натыйжалуу ишин улантаарына ишеним билдирди.
