Президент С.Жапаров тууралуу документалдуу тасма көрсөтүлүүдө
УТРК төрт бөлүктөн турган Президент Садыр Жапаров жөнүндө "Президент" аттуу даректүү тасманы көрсөтө баштады.
Анын автору, журналист Айбек Бийбосунов социалдык тармактагы өзүнүн баракчасына билдирүү калтырган:
“Анда президент Садыр Жапаров соңку 4-5 жылдагы негизги саясий окуяларга кенен токтолуп, буга чейин коомчулукка чыга элек маалыматтар менен бөлүштү. УКМКнын төрагасы Камчыбек Ташиев да биз менен ачык болду деп айта алам. Документалдуу тасма төрт сериядан турат”,-деп билдирген Бийбосунов.
Белгилей кетсек, автор "Азаттыктын" кыргыз кызматынын мурдагы журналисти, көз карандысыз медиада тажрыйбасы бар адам.
Кече күнү, 5-январда башталган тасманын биринчи сериясы 45 мүнөткө созулду. Анда президент Садыр Жапаров өзү жана анын өнөктөшү, УКМК төрагасы Камчыбек Ташиев катышып, негизги темалардын бири Кумтөр тууралуу маалымат берилди. Жарыяланган маалыматка ылайык, экинчи бөлүк Баткен маселесине багытталмакчы.
