Коргоо министрлигине 81 жаңы автотранспорт каражаты тапшырылды
Министрлер Кабинетинин Төрагасы Адылбек Касымалиев Коргоо министрлигине 81 даана автотранспорт каражатынын ачкычтарын тапшыруу аземине катышты. Бул тууралуу Өкмөттүн басма сөз кызматынан билдиришти.
МинКаб Төрагасы Адылбек Касымалиев жаңы техникалар, анын ичинде 19 JAC T-6 жана 36 Chevrolet унаалары, аскер бөлүктөрүнүн мобилдүүлүгүн жогорулатууга жана өздүк курамдын коопсуз кыймылын камсыздоого багытталганын белгиледи. Ал аскерлерди заманбап технологияларды колдонуп, жоопкерчиликтүү кызмат кылууга чакырды.
Кыргызстандын коргонуу жөндөмдүүлүгү акыркы жылдары күчөп, Куралдуу Күчтөрдүн бюджети 20180-2019-жылдарга салыштырмалуу 300%дан ашык өскөн. Бул каражаттар армияны заманбап курал-жарак жана техника менен жабдууга, аскер бөлүктөрүнүн инфраструктурасын өнүктүрүүгө багытталды.
Аскердик каттоо санариптештирилип, пилоттук түрдө беш аскер комиссариатында электрондук система иштеп жатат жана жылдын март айына чейин 25 комиссияга жайылтылат. Социалдык колдоо чаралары күчөтүлүп, ижара акы жана ипотекалык төлөмдөр жогоруланды; жакын арада аскер кызматчыларына 900дөн ашык батир берилет.
Маалымат үчүн: тапшырылган техникаларга 36 Chevrolet Cobalt жүк ташуучу унаасы, 19 JAC T-6 унаасы, 18 “Газель” фургону, 5 экипаж автобустары жана 3 JAC Sunray кичиавтобустары кирет.
