Кыргызстанга инвестиция тартуу маселеси талкууланды
Министрлер Кабинетинин Төрагасы Адылбек Касымалиев Улуттук инвестициялык фондунун иши менен таанышты. Бул тууралуу Өкмөттүн басма сөз кызматынан билдиришти.
Иш сапарынын алкагында Фонддун жамааты менен жолугушуу өтүп, инвестицияларды тартуу жана стратегиялык маанидеги экономикалык долбоорлорду ишке ашыруунун маанилүүлүгү белгиленди.
Министрлер Кабинетинин башчысына гидроэнергетика, айыл чарба жана өнөр жай тармактарындагы ири долбоорлор, ошондой эле чакан жана орто бизнести колдоого багытталган демилгелер тааныштырылды.
Улуттук инвестициялык фонддун негизги максаты — активдерди натыйжалуу башкаруу, алардын наркын өстүрүү жана ички жана эл аралык рыноктордон узак мөөнөттүү инвестицияларды тартуу болуп саналат.
