Саясат

Социалдык фонддо пенсиялык системаны санариптештирүү башталды

Ишкер Media

Социалдык фонддо пенсиялык системаны санариптештирүү башталды

Министрлер Кабинетинин Төрагасы Адылбек Касымалиев Социалдык фондунун төрагасы Бактияр Алиевди кабыл алды. Бул тууралуу Өкмөттүн басма сөз кызматынан билдиришти.

Жолугушууда өлкөнүн пенсиялык системасын реформалоонун маанилүү баскычы болгон Социалдык фонддун жаңы автоматташтырылган маалыматтык системасы тааныштырылды. Бул система фонддун ишин модернизациялоого, жарандарды тейлөөнүн сапатын жогорулатууга, маалыматтарды иштеп чыгуу мөөнөтүн кыскартууга жана коррупциялык тобокелдиктерди азайтууга багытталган.

Маалыматтык система пенсияны жол-жоболоштуруу процессин жеңилдетип, жарандарды кагаз документтерди чогултуудан бошотот. Зарыл маалыматтар автоматтык түрдө чогултулуп, арыздарды кароо убактысы кыскарат. Ошондой эле персоналдык маалыматтардын жогорку деңгээлде корголушу жана киберкоопсуздук талаптары камсыздалат.

Жолугушуунун жүрүшүндө Социалдык фонддун ишмердүүлүгүнө байланышкан актуалдуу маселелер да каралды. Адылбек Касымалиев реформаларды ырааттуу улантуунун маанилүүлүгүн белгилеп, фонддун негизги артыкчылыгы пенсионерлер үчүн ыңгайлуу жана ачык шарттарды түзүү экенин баса көрсөттү. Жыйынтыгында тиешелүү тапшырмалар берилди.

Белгилей кетсек, автоматташтырылган система Президенттин 2024–2028-жылдарга карата санариптик трансформациялоо концепциясынын алкагында иштелип чыккан.
Жаңылыктар биздин Телеграмм каналда

Мындан тышкары окуңуз

Айтматов районунун Чымкент айылында 140 орундуу бала бакчанын курулушу бүттү

Айтматов районунун Чымкент айылында 140 орундуу бала бакчанын курулушу бүттү

Талас облусунун Айтматов районуна караштуу Чолпонбай айыл өкмөтүнүн Чымкент айылында 140 орундуу бала бакчанын курулушу аяктады. Объект республикалык бюджеттин эсебинен каржыланып, жалпы аянты 1 480,85 чарчы метрди түзгөн эки кабаттуу имарат курулду. Курулуш министрлигинин басма сөз кызматынын маалыматына караганда, бала бакча 140 балага ылайыкталып, билим алуу-тарбиялоо, эс алуу

Ишкер Media
Кыргызстанда сасык тумоого каршы эмдөө башталды

Кыргызстанда сасык тумоого каршы эмдөө башталды

Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди. Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар: * Өнөкөт оорусу бар жарандар

Ишкер Media
Ч.Айтматовдун айкелинин эскизин даярдап - 200 000 сом байге утуп алуу сунушталууда

Ч.Айтматовдун айкелинин эскизин даярдап - 200 000 сом байге утуп алуу сунушталууда

Маданият, маалымат жана жаштар саясаты министрлиги залкар жазуучу Чыңгыз Айтматовдун айкелинин жана анын чыгармаларынын негизиндеги скульптуралык композициянын эскиздик долбооруна жарыяланган ачык сынактын мөөнөтү 29-ноябрына чейин созулат. Мындай билдирүүнү аталган министрликтен маалымдашты. Сынактын максаты - жазуучунун инсандыгын, чыгармачылык мурасын жана чыгармаларындагы жалпы адамзаттык баалуулуктарды чагылдырган мыкты монументалдык-скульптуралык чечимди тандоо. Билдирүүгө

Ишкер Media
Улуттук банк алты талапкердин кызмат ордуна дайындалышына макулдук берди

Улуттук банк алты талапкердин кызмат ордуна дайындалышына макулдук берди

Кыргыз Республикасынын Улуттук банкы 29-сентябрда коммерциялык банктардагы бир катар жетекчилик кызматтарга сунушталган талапкерлердин талапкерлигине макулдук берди. Бул тууралуу Улуттук банктын басма сөз кызматынан кабарлашты. Билдирүүгө караганда, “Асман Банк” ЖАКтын директорлор кеңешинин төрагасы кызматына сунушталган Исакова Гульзина Абыловнанын, ошондой эле директорлор кеңешинин мүчөлүгүнө сунушталган Ааб Рийна Амалиенин талапкерлигине макулдук берилди.

Ишкер Media