Улуттук статистиканын 100 жылдыгын белгилөөгө 7,5 млн сом бөлүнөт
Улуттук статистиканын 100 жылдыгын белгилөөгө мамлекеттик бюджеттен 7,5 млн сом бөлүнөрү бүгүн Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында белгилүү болду.
Жыйында депутат Улан Примов бул чыгымдар эмне үчүн 2026-жылга республикалык бюджет бекитилгенде алдын ала каралган эмес деген суроо берди.
Финансы министринин орун басары Жибек Дүйшеева буга чейин бул каражаттарды республикалык бюджеттен бөлүү боюнча акыркы чечим кабыл алынбаганын билдирди.
Добуш берүүнүн жыйынтыгында комитет депутаттары улуттук статистиканын 100 жылдыгын өткөрүүгө 7,5 млн сом бөлүүнү жактырышты.
