Министрлер Кабинетинин Төрагасынын орун басарынын милдетин аткаруучу болуп Улан Маматканов дайындалды
Президент Садыр Жапаров кол койгон Жарлыкка ылайык, Министрлер Кабинетинин Төрагасынын орун басарынын милдетин аткаруучу болуп - Улан Маматканов дайындалды. Тиешелүү чечим Конституциянын 70 жана 71-беренелерине ылайык кабыл алынган.
Эми Улан Маматкановдун талапкерлиги Министрлер Кабинетинин Төрагасынын орун басары кызмат ордуна дайындоо үчүн - КРнын Жогорку Кеңешине макулдашуу үчүн сунушталат.
Улан Маматканов - Ош облусунун Кара-Суу районундагы Мады айылында төрөлгөн. Ал 2004-жылы Ош мамлекеттик университетин «Мамлекеттик жана муниципалдык башкаруу» адистиги боюнча артыкчылык менен аяктаган. Эмгек жолун 2005-жылы Эмгек жана социалдык коргоо министрлигинде баштап, андан бери өкмөттүн түзүмүндө бир катар кызматтарды аркалаган.
Эске салсак, Садыр Жапаров буга чейинки Министрлер кабинетинин төрагасынын орун басары Эдил Байсаловду ээлеген кызматынан бошотуп, Кыргызстандын АКШдагы элчиси кылып дайындаган.
