Чыңгыз Айдарбеков талапкерликтен баш тартты
Чыңгыз Айдарбеков Борбордук шайлоо комиссиясына Жогорку Кеңештин депутаттыгына талапкер катары катталуудан баш тартуу өтүнүчү менен кайрылган. Бул тууралуу БШКдан ырасташты.
Маалыматка ылайык, Айдарбековдун арызы БШКнын бүгүнкү жыйынында каралат.
Куванычбек Конгантиев мандатын тапшырган соң, Чыңгыз Айдарбековго мандат тиймек. Бирок, Айдарбековго карата мандат берилбей келген. БШК талапкердин соттуулугу бар-жогуна байланыштуу ИИМден маалымкат күтүп жатканын билдиришкен. Ага карата ИИМ тарабынан кылмыш иши козголгон.
Чыңгыз Айдарбековдун, ордуна Мирлан Жээнчороев келиши мүмкүн.
