Камбар-Ата-1 ГЭСин куруу талкууланды
Министрлер Кабинетинин Төрагасы Адылбек Касымалиев ЭВФ менен Дүйнөлүк банк тобунун жазгы жыйындарынын алкагында Дүйнөлүк банктын Европа жана Борбор Азия аймагындагы инфраструктура боюнча аймактык директору Чарльз Кормье менен жолукту.
Сүйлөшүүлөрдүн негизги темасы стратегиялык маанидеги Камбар-Ата-1 ГЭСин курууну ишке ашыруу болду.
Жолугушууда Адылбек Касымалиев белгилегендей, учурда Кыргызстан, Казакстан, жана Өзбекстандын ортосундагы өкмөттөр аралык макулдашуунун текстин тактоо боюнча активдүү консультациялар жүрүп жатат.
Жолугушуунун соңунда долбоорду алдыга жылдыруу жана анын инвестициялык этапка өз убагында киришин камсыздоо боюнча аракеттерди мындан ары координациялоо боюнча милдеттенме тастыкталды.
