Марлен Маматалиев Өзбекстандын сенатынын төрайымы менен жолукту
Парламент төрагасы Марлен Маматалиев Өзбекстандын сенатынын төрайымы Танзила Нарбаева менен Стамбул шаарында жолугушту.
Стамбул шаарында өткөн жолугушууда тараптар эки өлкөнүн кызматташтыгына байланышкан актуалдуу маселелер боюнча ой бөлүшүп, парламенттер аралык алакаларды арттыруу жаатында пикир алмашты.
Марлен Маматалиев чек аралардын такталышы соода-экономикалык байланыштарды күчтөндүрүүгө чоң түрткү бергенин белгиледи.
Ал эми Өзбекстандын сенатынын төрайымы Танзила Нарбаева Марлен Маматалиевди Жогорку Кеңештин төрагасы болуп шайланышы менен куттуктады.
Жолугушууда тараптар соода байланыштарын өнүктүрүү багытындагы маселелерге да токтолушуп, ортодогу мүмкүнчүлүктөрдү максималдуу пайдалануу зарыл экендигин белгилешти. Алсак, өткөн жылы эки өлкө ортосундагы соода жүгүртүүнүн көлөмү 1 млрд АКШ долларына чейин көтөрүлгөн.
