“Ички аудит жөнүндө” мыйзам долбоору колдоо тапты
12-майда Жогорку Кеңештин Финансы, бюджет, ишкердик жана атаандаштыкты өнүктүрүү боюнча комитети "Ички аудит жөнүндө" мыйзам долбоорун биринчи окууда жактырды.
Жыйында депутаттар аудитти санариптештирүү, маалымат коопсуздугу, аудиторлордун көз карандысыздыгы жана коррупцияны азайтуу маселелерин көтөрүштү. Ошондой эле электрондук акчаны мурастоо боюнча мыйзам долбоору экинчи окууда колдоо тапты. Анда электрондук акчаларды мурастоого уруксат берүү каралган.
Жыйынтыгында мыйзам долбоору биринчи окууда жактырылды.
Муну менен катар жыйында Министрлер Кабинетинин Төрагасы демилгелеген “Электрондук акчаны мурастоо маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзам долбоору каралып, экинчи окууда жактырылды.
Юстиция министринин орун басары Сагынбек Самидин уулу белгилегендей, мыйзам долбоору электрондук акчалар боюнча укуктук жөнгө салуудагы боштуктарды жоюу, аларды жарандык укуктардын объектиси катары таануу, ошондой эле мыйзамда белгиленген тартипте мурастоо мүмкүнчүлүгүн камсыз кылуу максатында иштелип чыккан.
