Улуттук илимдер академиясына жаңы жетекчи тааныштырылды
Министрлер Кабинетинин Төрагасынын орун басары Улан Маматканов Улуттук илимдер академиясынын жамаатына ведомствонун жаңы президенти Бекмамат Женбаевди тааныштырды. Бул тууралуу президенттик админстрациянын маалымат жана саясат бөлүмүнөн маалымдады.
Улан Маматканов Мамлекет башчысы тарабынан Улуттук илимдер академиясын өнүктүрүү маселелерине өзгөчө көңүл бурулуп жатканын белгиледи. Ал Улуттук илимдер академиясынын өлкөнүн маанилүү илимий борбору катары маанисин баса белгилеп, илимий потенциалды мындан ары да чыңдоо, изилдөө базасын өнүктүрүү жана илимий ишмердүүлүктүн натыйжалуулугун заманбап талаптарга ылайык жогорулатуу зарылдыгын белгиледи.
Эске салсак, буга чейин илимдер академиясын Канат Абдрахматов жетектеп келген.
