Адылбек Касымалиев Министрлер Кабинетинин сыйлыктарын тапшырды
Бүгүн КРнын Министрлер Кабинетинин Төрагасы Адылбек Касымалиев Министрлер Кабинетинин кесиптик ишиндеги жетишкендиктери үчүн бир катар тармактын кызматкерлерине сыйлыктарды тапшырды.
МинКабдын басма сөз кызматынын маалыматына караганда, Адылбек Касымалиев КРнын социалдык-экономикалык жана маданий потенциалын өнүктүрүүгө кошкон олуттуу салымы, кесиптик ишиндеги жетишкендиктери үчүн, бир катар тармактын кызматкерлерине Министрлер Кабинетинин Ардак грамоталарын, Министрлер Кабинетинин Төрагасынын атынан алкыштарын тапшырды.
Ишчара Кыргыз Республикасынын Конституциясынын күнүн майрамдоого да байланыштуу болгондугу белгиленүүдө.
Адылбек Касымалиев жалпы Министрлер Кабинетинин жана жеке өзүнүн атынан чогулгандарды куттуктап, бул сыйлыктар сыйлык ээлеринин эмгек жолундагы кезектеги баскычтарга, мындан аркы ийгиликтерине жол ачуусуна тилектештигин билдирип өттү.
