Жогорку Кеңеште Нидерландия менен кызматташтык маселелери талкууланды
4-июнда Жогорку Кеңешнин Эл аралык иштер, коргоо, коопсуздук жана миграция боюнча комитетинин төрайымы Элвира Сурабалдиева Нидерланд Королдугунун Кыргызстандагы элчиси Нико Схермерс менен жолугушуу өткөрдү.
Жолугушууда эки өлкөнүн соода-экономикалык, маданий-гуманитардык кызматташтыкты өнүктүрүү жана парламенттер аралык байланыштарын чыңдоо маселелери талкууланды.
Комитет төрайымы акыркы жылдары Кыргызстан менен Европа мамлекеттеринин кызматташуусу жигердүү өнүгүп жатканын белгилеп, парламенттер аралык сапарларды көбөйтүү зарылдыгын айтты.
Ал ошондой эле Бенилюкс өлкөлөрү менен дипломатиялык жана кызматтык паспорт ээлери үчүн визасыз режим киргизүү боюнча макулдашуулар Жогорку Кеңеште колдоо тапканын белгиледи.
Жолугушууда энергетика, транспорт, өнөр жай, туризм жана санариптештирүү тармактарындагы биргелешкен долбоорлор, ошондой эле суу ресурстарын башкаруу жана климаттын өзгөрүүсүнө ыңгайлашуу маселелери да талкууланды.
Өз кезегинде элчи Нико Схермерс айыл чарба багытындагы кызматташтыкты өнүктүрүүгө даяр экенин билдирди.
Жолугушуунун соңунда Нидерланд делегациясы Кыргызстанда өтө турган VI Дүйнөлүк көчмөндөр оюндарына чакырылды.
