Өлкөдө кайра инвестицияланган пайдага салык салуу эрежелери жеңилдетилет

Кыргызстанда кайра инвестицияланган пайдага, кошумча наркы жогору жана технологиялык терең кайра иштетүүгө негизделген продукцияларды чыгарган ишканаларга салык салуу эрежелерин жеңилдетүү пландалууда. Бул тууралуу президент Садыр Жапаров бүгүн республикалык кеңешмеде билдирди.

Мамлекет башчысы ишкерлердин кызыкчылыктарын эске алган жана салыктык башкарууну жөнөкөйлөткөн тең салмактуу саясат жүргүзүлөрүн айтты.

Анын белгилешинче, санариптик чечимдерди киргизүү аркылуу ишкерлер менен салык органдарынын түздөн-түз байланышын жоюу каралууда.

Ошондой эле ишкердикти өнүктүрүүнүн ар бир этабында колдоо көрсөтүү, каржылоого, технологияларга жана рынокторго жеткиликтүүлүктү кеңейтүү багытында иштер жүргүзүлөт.

Бул чаралар экспортко багытталган кызмат көрсөтүүлөрдү жана жогорку технологиялуу товарларды өндүрүүнү өнүктүрүү стратегиясынын алкагында белгиленди.