Кыргызстан менен Грузиянын ортосунда бир катар документтерге кол коюлду

Грузиянын премьер-министри Ираклий Кобахидзенин Кыргызстанга болгон расмий сапарынын алкагында, 12-июнда, жогорку деңгээлдеги Биргелешкен билдирүүгө, ошондой эле саясий, экономикалык, гуманитардык, билим берүү, укуктук жана башка тармактарда кыргыз-грузин кызматташтыгын мындан ары чыңдоого багытталган бир катар эки тараптуу документтерге кол коюлду. Бул тууралуу президенттин расмий сайтына жарыяланды.

Төмөнкү эки тараптуу документтер кол коюлду: 

- Кыргызстандын жана Грузиянын авиациялык бийлик органдарынын ортосундагы өз ара түшүнүшүү жана кызматташтык жөнүндө меморандуму; 

- Кыргызстандын Министрлер Кабинетине караштуу Мамлекеттик мүлктү башкаруу боюнча мамлекеттик агенттиги менен Грузиянын Мамлекеттик мүлк агенттигинин ортосунда мамлекеттик мүлктү башкаруу чөйрөсүндөгү кызматташтык жөнүндө меморандуму; 

– Кыргызстандын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы менен Грузиянын Улуттук азык-түлүк агенттигинин ортосунда ветеринария жаатындагы кызматташтык жөнүндө меморандуму; 

- Грузиянын Тышкы иштер министрлиги менен Кыргызстандын Тышкы иштер министрлигинин ортосундагы 2027–2028-жылдарга кызматташуу программасы; 

- Кыргызстандын Жаратылыш ресурстары, экология жана техникалык көзөмөл министрлиги менен Грузиянын Айлана-чөйрөнү коргоо жана айыл чарба министрлигинин ортосунда радиациялык коргоо, ядролук коопсуздук жана коргоо маселелери боюнча кызматташуу жана маалымат алмашуу жөнүндө өз ара түшүнүшүү меморандуму;

- Кыргызстандын Агартуу министрлиги менен Грузиянын Билим берүү, илим жана жаштар министрлигинин ортосунда билим берүү жаатындагы кызматташуу боюнча өз ара түшүнүшүү меморандуму; 

- Кыргызстандын Министрлер Кабинетине караштуу Мамлекеттик бажы кызматы менен Грузия Республикасынын Финансы министрлигинин ортосунда Кыргыз Республикасы менен Грузия Республикасынын ортосунда ташылып өтүүчү товарлар жана транспорт каражаттары жөнүндө маалыматтарды алдын ала алмашууну уюштуруу тууралуу макулдашуу; 

- Кыргызстандын Министрлер Кабинетине караштуу Дене тарбия жана спорт мамлекеттик агенттиги менен Грузиянын Спорт министрлигинин ортосунда дене тарбия жана спорт чөйрөсүндөгү кызматташтык жөнүндө меморандуму; 

- Кыргызстандын Юстиция министрлиги менен Грузиянын Юстиция министрлигинин ортосунда укуктук чөйрөдөгү кызматташуу жана өз ара түшүнүшүү жөнүндө меморандуму.