Кытай тарап Кыргызстанда жер семирткич жана вакцина чыгаруучу ишканаларды курат

Кыргызстанда жылына 600 миң тоннага чейин минералдык жер семирткич чыгаруучу завод жана 30 млн дозага чейин ветеринардык вакцина өндүрүүчү ишкана куруу мерчемделүүдө. Бул тууралуу өкмөттүн басма сөз кызматы билдирди.

Бул багытта Министрлер кабинетинин төрагасынын орун басары Эрлист Акунбеков Кытайдын агроөнөр жай тармагындагы ири компанияларынын жетекчилери менен жолугушту.

Жолугушуунун жүрүшүндө "Кыргыз Агрохолдинг" ААК менен Кытай электр инженерия улуттук компаниясынын ортосунда кызматташтык жөнүндө меморандумга кол коюлду. Ага ылайык, Кыргызстанда карбамид чыгаруучу завод куруу каралууда.

Маалыматка ылайык, долбоор өлкөнүн азык-түлүк коопсуздугун чыңдоого, айыл чарба өндүрүүчүлөрүн сапаттуу жер семирткичтер менен камсыздоого жана агроөнөр жай тармагын өнүктүрүүгө багытталган.

Мындан тышкары "Кыргыз Агрохолдинг" менен кытайлык "Шицзячжуан Шайнеон" биотехнологиялык компаниясынын ортосунда ветеринардык вакциналарды чыгаруучу завод куруу боюнча меморандумга кол коюлду.

Долбоордун алкагында эл аралык талаптарга жооп берген, жылына 25–30 млн доза вакцина өндүрө турган ишкана куруу каралган. Бул айыл чарба тармагын сапаттуу вакциналар менен камсыздап, өлкөнүн биологиялык коопсуздугун жогорулары айтылды.