Корея менен Кыргызстан айыл чарба өндүрүмүн сактоо жаатында кызматташууда
Кореянын Эл аралык кызматташтык агенттигинин өкүлдөрү жана "Кыргызстанда түшүмдү жыйноодон кийинки башкаруу тутумун түзүүнү колдоо аркылуу айыл чарба өндүрүмүнүн кошулган нарк чынжырын бекемдөө" долбоорунун аткаруучулары менен жолугушту.
Суу ресурстары, айыл чарба жана кайра иштетүү өнөр жайы министрлиги билдиргендей, жолугушууга Кайра иштетүү өнөр жайы жана органикалык айыл чарба департаментинин, ошондой эле "Кыргыз Агрохолдинг" ААКнын өкүлдөрү катышты.
Тараптар долбоордун учурдагы ишке ашырылуу жүрүшүн, жетишилген жыйынтыктарды, алдыда турган маселелерди жана мүмкүн болуучу тобокелдиктерди талкуулашты. Ошондой эле аларды өз убагында чечүү жолдору боюнча пикир алышты.
Долбоордун өкүлдөрү кийинки баскычтарды тааныштырып, алдыдагы иш-чаралар, негизги багыттар жана күтүлүп жаткан натыйжалар тууралуу маалымат беришти.
Жолугушуунун жыйынтыгында тараптар айыл чарба өндүрүмүнүн кошулган нарк чынжырын бекемдөө багытындагы кызматташтыкты улантууга даяр экенин билдиришти.
с
