Түркияда өлкөнүн суу жана азык-түлүк коопсуздугу талкууланды
Бүгүн Түркиянын Измир шаарында "COP31ге карай: суу – азык-түлүк – климат" аттуу аймактык семинар өттү. Бул тууралуу Айыл чарба министрлиги билдирди.
Маалыматка ылайык, семинарда Кыргызстандын Айыл чарба министринин орун басары Мирбек Дүйшеев баяндама жасады.
Ал Кыргызстан үчүн суу ресурстары, азык-түлүк коопсуздугу жана климаттын өзгөрүшү тыгыз байланышта экенин белгиледи. Өзгөчө айыл чарбасы сууга жана климатка көз каранды экенин айтты.
Ошондой эле 2025-2030-жылдарга азык-түлүк коопсуздугу программасынын маанилүүлүгү, туруктуу өнүктүрүү жана тармактар аралык кызматташтык талкууланды.
Кыргызстан Борбор Азия өлкөлөрү менен климаттык чакырыктарды бирге чечүүгө жана аймактык кызматташтыкты улантууга даяр экени билдирилди.
