Борбордук Азия жана Азербайжандын президенттери жолугушат
30-июлдан 1-августка чейин Ысык-Көл облусунун Чолпон-Ата шаарында Борбордук Азия мамлекеттеринин жана Азербайжандын мамлекет башчыларынын бейформал консультативдик жолугушуусу өтөт. Бул тууралуу президенттин расмий баракчасына жарыяланды.
Маалыматка таянсак, жолугушууга президент Садыр Жапаров, Азербайжандын рпрезиденти Ильхам Алиев, Казакстандын президенти Касым-Жомарт Токаев, Тажикстандын президенти Эмомали Рахмон, Түркмөнстандын президенти Сердар Бердымухамедов жана Өзбекстан президенти Шавкат Мирзиёев катышат.
Жолугушуунун жүрүшүндө мамлекет башчылары соода, энергетика, туризм тармактарындагы кызматташтыкты чыңдоо, транспорттук коридорлорду кеңейтүү жана аймактагы маданий-гуманитардык байланыштарды өнүктүрүү маселелерин талкуулашат. Ошондой эле аймактык коопсуздуктун актуалдуу маселелери жана эл аралык уюмдардын алкагындагы өз ара аракеттенүү боюнча пикир алмашары күтүлүүдө.
