Кыргызстан менен Азербайжандын ортосунда бир катар документтерге кол коюлду
Азербайжандын президенти Ильхам Алиевдин Кыргызстанга мамлекеттик сапарынын алкагында 31-июлда, транспорттук-логистикалык, энергетикалык, инвестициялык, санариптик, финансылык, гуманитардык жана башка тармактарда кыргыз-азербайжан кызматташтыгын мындан ары бекемдөөгө багытталган эки тараптуу документтерге кол коюу жана алмашуу аземи өттү. Бул тууралуу президенттин расмий баракчасына маалымдалды.
Маалыматка таянсак, мамлекет башчылар Кыргызстан менен Азербайжандын ортосундагы союздаштык мамилелер жөнүндө келишимге жана Кыргызстан менен Азербайжандын мамлекеттер аралык кеңешинин чечимине кол коюшту.
Ошондой эле төмөнкү документтерге кол коюу аземи өттү:
Кыргызстандын Министрлер Кабинети менен Азербайжандын өкмөтүнүн ортосундагы эл аралык автомобиль каттамдары жөнүндө макулдашуу;
Кыргызстан менен Азербайжандын ортосундагы энергетика жаатындагы кызматташтык боюнча 2026-2027-жылдарга карата жол картасы;
Кыргызстандын Министрлер Кабинети менен Азербайжандлын Министрлер Кабинетинин ортосундагы 2024-2029-жылдарга кызматташуу программасын ишке ашыруу боюнча жол картасы;
2022-жылдын 11-октябрындагы Кыргызстандын Министрлер Кабинети менен Азербайжандын өкмөтүнүн ортосунда Азербайжан-Кыргыз өнүктүрүү фондун түзүү жөнүндө макулдашууга өзгөртүүлөрдү киргизүү тууралуу экинчи кошумча макулдашуу;
Кыргызстандын Транспорт жана коммуникациялар министрлиги менен Азербайжандын Санариптик өнүктүрүү жана транспорт министрлигинин ортосунда жүк ташуу, кеме жүрүшү жана кеме куруу жаатындагы кызматташтык жөнүндө өз ара түшүнүшүү тууралуу меморандум;
Кыргызстандын Улуттук статистика комитети менен Азербайжандын мамлекеттик статистика комитетинин ортосунда статистика жаатындагы кызматташтык жөнүндө өз ара түшүнүшүү тууралуу меморандум;
Кыргызстандын Улуттук коопсуздук мамлекеттик комитети менен Азербайжандын Атайын байланыш жана маалыматтык коопсуздук мамлекеттик кызматынын ортосунда киберкоопсуздук тармагындагы өз ара түшүнүшүү тууралуу меморандум;
Ош шаары менен Гянжа шаарынын ортосунда кызматташтыкты жана боордош шаарлар байланышын түзүү жөнүндө өз ара түшүнүшүү тууралуу меморандум;
Каракол шаары менен Габала шаарынын ортосунда өз ара кызматташтык жана боордош шаарлар байланышын түзүү жөнүндө меморандум;
Чолпон-Ата шаары менен Азербайжан Шуша шаарынын ортосунда өз ара түшүнүшүү тууралуу меморандум;
Кыргызстандын Энергетика министрлиги менен АзербайжандынЭнергетика министрлигинин ортосунда мунай жана мунай продуктуларын жеткирүү тармагындагы кызматташтык жөнүндө өз ара түшүнүшүү тууралуу меморандум;
Кыргызстандын Экономика жана соода министрлигине караштуу Финансы рыногун жөнгө салуу жана көзөмөлдөө кызматы менен Азербайжандын Борбордук банкынын ортосунда кызматташтык жөнүндө меморандум;
“Кыргызалтын” ачык акционердик коому менен “АзерГолд” жабык акционердик коомунун ортосунда кызматташуу жана өз ара аракеттенүү жөнүндө өз ара түшүнүшүү тууралуу меморандум.
