"Асман" жаңы шаары: курулуш жана инвестиция тартуу багыттары белгиленди
4-августта Бишкекте "Асман" жаңы шаарын куруу жана өнүктүрүүгө арналган форум өттү. Бул тууралуу Инвестициялар боюнча улуттук агенттиктин басма сөз кызматы билдирди.
Иш-чарада экологиялык жактан таза шаарды куруу долбоорун ишке ашыруу, инженердик жана транспорттук инфратүзүмдү өнүктүрүү, ошондой эле инвестиция тартуу маселелери талкууланды.
Инвестициялар боюнча улуттук агенттиктин башчысынын орун басары Дамирбек Бикулов "Асман" долбоору өлкөнүн социалдык-экономикалык өнүгүүсү үчүн маанилүү экенин белгиледи.
Анын айтымында, долбоорду ишке ашыруу инвестиция тартууга, заманбап технологияларды киргизүүгө жана туруктуу шаардык инфратүзүмдү түзүүгө мүмкүнчүлүк берет.
Форумдун алкагында демилгени ишке ашыруунун багыттары жана кызматташуунун механизмдери каралып, бир катар документтерге кол коюлду.
