Чолпон-Атада Евразия өкмөттөр аралык кеңешинин жыйыны өтөт
Евразия өкмөттөр аралык кеңешинин кезектеги жыйыны үстүбүздөгү жылдын 6-7-август күндөрү Ысык-Көл облусунун Чолпон-Ата шаарында өткөрүлөт.
Президенттик админстрациянын маалыматына ылайык, жыйын тар жана кеңейтилген курамда өтөт. Күн тартибине ылайык, ЕАЭБге мүчө мамлекеттердин өкмөт башчылары байкоочу өлкөлөрдүн катышуусунда 15тен ашуун маселени карашат.
Евразиялык экономикалык биримдиктин негизги максаты – мүчө мамлекеттердин ортосунда товарлардын, кызмат көрсөтүүлөрдүн, капиталдын жана жумушчу күчүнүн эркин жүрүшүн камсыз кылган жалпы рынокту өнүктүрүү. Уюмга Армения, Беларусь, Казакстан, Кыргызстан жана Орусия мүчө.
