Зеленский Украинанын Кыргызстандагы элчисин кызматтан алды
Украинанын президенти Владимир Зеленский Кыргызстандагы Украинанын атайын жана ыйгарым укуктуу элчиси Валерий Жовтенкону кызматынан бошотту.
Маалыматка ылайык, Валерий Жовтенко Украинадагы президент Петр Порошенко башкарып турган маалда, 2018-жылы Кыргызстандын элчиси болуп дайындалган. Буга чейин ал 2011–2015-жылдары Украинанын Литвадагы элчиси кызматын аркалаган.
Ал Украина менен Орусиянын ортосундагы согуш башталгандан кийин Кыргызстандагы украин тарапташтары, активисттер жана укук коргоочулар менен жолугушууларды өткөрүп, жалпыга маалымдоо каражаттарына маектерди берип келген.
Ошондой эле Владимир Зеленский Украинанын Франция, Тунис, Ливия, Австрия, Тажикстан, Сингапур жана Брунейдеги элчилерин да кызматтан алуу боюнча чечим кабыл алды.
