Жергиликтүү кеңештердин айрым депутаттары мандаттарын тапшырышты
5-августта Борбордук шайлоо комиссиясы бир катар жергиликтүү кеңештердин депутаттарынын ыйгарым укуктарын мөөнөтүнөн мурда токтотуу тууралуу чечимди бекитти.
БШКнын маалыматына ылайык, депутаттардын ыйгарым укуктары өз арыздарынын негизинде токтотулган.
Чечим Бишкек, Өзгөн, Араван, Кара-Суу, Ала-Бука, Баткен, Кадамжай жана Каракол аймактык шайлоо комиссияларынын сунуштарынын негизинде кабыл алынды.
Мандатын тапшыргандар:
- Бишкек шаардык кеңешинин депутаты Максат Токтогулов;
- Өзгөн шаардык кеңешинин депутаты Мияссархан Нарматова;
- Дөбө-Коргон айылдык кеңешинин депутаты Шерзодбек Холматов;
- Датка айылдык кеңешинин депутаты Боходиржон Машрабаев;
- Айры-Там айылдык кеңешинин депутаты Төрөгазы Салибаев;
- Суу-Башы айылдык кеңешинин депутаттары Акбарали Анаралиев жана Алмазбек Абдурасулов;
- Молдо Нияз айылдык кеңешинин депутаты Куштарбек Машрапов;
- Каракол шаардык кеңешинин депутаты Динара Орозбекова.
Натыйжада бош калган депутаттык мандаттар мыйзамга ылайык тиешелүү саясий партиялардын жана шайлоодо кийинки орунду алган талапкерлерге өткөрүлүп берилди.
