Мамлекеттик инвестициялык долбоорлордун аткарылышына баа берилди
Суу ресурстары, айыл чарба жана кайра иштетүү өнөр жайы министрлигинде мамлекеттик инвестициялар программасынын долбоорлорун ишке ашырууну баалоо боюнча жыйын өттү.
Министрликтин басма сөз кызматы маалымдагандай, жыйында мамлекеттик инвестициялык долбоорлордун учурдагы абалы, аларды ишке ашырууда жаралган көйгөйлөр жана чечүү жолдору каралды.
Ошондой эле долбоорлорду натыйжалуу ишке ашыруу жана мамлекеттик органдардын өз ара кызматташуусун күчөтүү маселелерине көңүл бурулду.
Жыйындын соңунда мындан аркы иш багыттары аныкталып, көйгөйлөрдү чечүү боюнча кийинки кадамдар макулдашылды.
