Нарындын алты айдагы социалдык-экономикалык өнүгүүсү талкууланды
Нарын облусунда 2026-жылдын январь-июнь аралыгындагы социалдык-экономикалык өнүгүүнүн жыйынтыктары каралып, алдыдагы милдеттер белгиленди. Бул тууралуу аймактык өкүлчүлүктөн билдиришти.
Маалыматка ылайык, облустук коллегиянын кезектеги отурумунда ыйгарым укуктуу өкүл Нурбек Сатаров төрагалык кылды.
Жыйында облустун социалдык-экономикалык өнүгүүсүнүн негизги көрсөткүчтөрү, аткарылган иштер жана чечүүнү талап кылган маселелер боюнча маалымат беришти.
Ошондой эле тиешелүү жетекчилер жол чарбасы, капиталдык курулуш, суу чарбасы, электр энергиясы жана өзгөчө кырдаалдар багытындагы иштер боюнча жыйынтыктар менен бөлүшүштү.
Коллегиянын жүрүшүндө облустун өнүгүүсүнө байланышкан актуалдуу маселелер, көйгөйлөр жана кемчиликтер талкууланып, аларды чечүү жолдору каралды.
Белгиленгендей, жыйынтыгында өрөөндүн социалдык-экономикалык өнүгүүсүн мындан ары жакшыртуу, калктын жашоо шартын жогорулатуу жана белгиленген милдеттерди сапаттуу аткаруу боюнча тапшырмалар берилди.
