Кыргызстан менен Түркия уюшкан кылмыштуулукка каршы кызматташат
Кыргызстандын ички иштер министри Улан Ниязбеков Түркиядагы иш сапарынын алкагында Түркиянын ички иштер министри Мустафа Чифтчи менен жолугушту. Бул тууралуу ИИМдин басма сөз кызматы билдирди.
Маалыматка ылайык, жолугушууда эки өлкөнүн ички иштер органдарынын кызматташтыгын өнүктүрүү, жарандардын коопсуздугун камсыз кылуу жана укук тартибин чыңдоо маселелери талкууланды.
Тараптар трансулуттук уюшкан кылмыштуулукка, баңгизаттарды мыйзамсыз жүгүртүүгө, киберкылмыштуулукка жана экстремизмге каршы биргелешкен аракеттерди күчөтүүгө өзгөчө көңүл бурушту.
Мындан тышкары, алдыңкы тажрыйба алмашуу, заманбап технологияларды ички иштер органдарынын ишине киргизүү жана эки өлкөдө жүргөн жарандардын коопсуздугун камсыз кылуу маселелери талкууланды.
Миграциялык маселелер боюнча ыкчам байланышты күчөтүү маселесине да басым жасалды.
Жыйынтыгында тараптар түз жана ыкчам кызматташтыкты мындан ары өнүктүрүүгө даяр экенин ырасташты.
