БШК бир катар жергиликтүү депутаттардын ыйгарым укуктарын мөөнөтүнөн мурда токтотту
14-августта Борбордук шайлоо комиссиясы бир катар жергиликтүү кеңештердин депутаттарынын ыйгарым укуктарын мөөнөтүнөн мурда токтотту. Бул тууралуу БШКнын басма сөз кызматы билдирди.
Маалыматта депутаттар өз арыздарынын негизинде мандаттарын тапшырган, ал эми эки депутаттын ыйгарым укуктары каза болгондугуна байланыштуу токтотулганы белгиленген.
Бүгүнкү жыйында бош калган мандаттарды кийинки талапкерлерге өткөрүп берүү боюнча чечимдер бекитилди.
Ага ылайык, Бишкек шаардык кеңешиндеги бош мандат "Жаңы күч-Новая сила" саясий партиясынан Ренат Солтоновго өткөрүлүп берилди.
Калган аймактардагы бош мандаттарга шайлоочулардын добуштарынын көбүн алган кийинки талапкерлер ээ болду:
- Чоң-Кемин айылдык кеңешине — Нурдин Егиналиев;
- Ак-Суу айылдык кеңешине — Нарынбек Султанкулов;
- Учкун айылдык кеңешине — Кылычбек Тостоков;
- Талас шаардык кеңешине — Елена Бортникова;
- Кыз-Көл айылдык кеңешине — Советбек Аманкулов;
- Көк-Жар айылдык кеңешине — Абдыганы Жарматов;
- Төөлөс айылдык кеңешине — Асан Манапов;
- Дөң-Булак айылдык кеңешине — Оятилла Ибрагимов.
