Саясат

Кыргызстан климаттык милдеттенмелердин аткарылышын талдоодо

Уулжан Бейшенбекова

14 авг. 2026 13:01

Жаратылыш ресурстары, экология жана техникалык көзөмөл министрлигинде Экинчи эки жылдык ачык-айкындуулук боюнча докладды (ЭЖААД-2) жана Бешинчи улуттук билдирүүнү (УБ-5) даярдоо боюнча техникалык консультациялар өттү.

Министрликтин басма сөз кызматы берген маалыматка ылайык, иш-чараны БУУнун Өнүктүрүү программасы уюштуруп, ага мамлекеттик органдардын, жергиликтүү өз алдынча башкаруу органдарынын, өнүктүрүү боюнча өнөктөштөрдүн жана эксперттик коомчулуктун өкүлдөрү катышты.

ЭЖААД-2 жана УБ-5 документтери парник газдарынын чыгындылары жана сиңирилиши, климаттык чаралар, улуттук климаттык саясат, ошондой эле эл аралык колдоо тууралуу маалыматтарды камтыйт.

Кыргызстан 2025-жылы эл аралык макулдашуу жана талаптарга ылайык, эки жылдык ачык-айкындуулук боюнча биринчи докладын тапшырган. 2026-жылы ЭЖААД-2 жана УБ-5ти бирдиктүү документ форматында даярдоо башталды.

Консультациялардын жыйынтыгында бөлүмдөрдү толуктоо жана ЭЖААД-2/УБ-5тин бириктирилген долбоорун даярдоо боюнча кийинки кадамдар аныкталды.

Климаттык отчеттуулукту даярдоо Кыргызстандын БУУнун Климаттын өзгөрүшү жөнүндө алкактык конвенциясы жана Париж макулдашуусу боюнча милдеттенмелерин аткаруунун бир бөлүгү болуп, улуттук климаттык саясаттын ачык-айкындуулугун жана сапатын жогорулатууга багытталган.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Кыргызстан менен Жапония соода-экономикалык кызматташтыкты чыңдайт

Экономика жана коммерция министри Бакыт Сыдыков 14-августта Жапониянын тышкы иштер боюнча парламенттик вице-министри Эри Арфия менен жолугушту. Бул тууралуу министрликтин басма сөз кызматы билдирди. Маалыматка ылайык, жолугушууда Кыргызстандын акыркы жылдардагы экономикалык жетишкендиктери жана өлкөгө инвестиция тартуу үчүн түзүлгөн мүмкүнчүлүктөр тууралуу сөз болду. Бакыт Сыдыков жапон инвесторлору үчүн бардык

Баткенде шамалдан жабыркаган мекемелерге камсыздандыруу кенемтеси төлөндү

Баткен облусунда катуу шамалдан жабыркаган үч объектке кенемте төлөндү. Бул тууралуу Мамлекеттик камсыздандыруу уюмунан билдиришти. Маалыматка ылайык, Кызыл-Бел айылындагы "Барчын" бала бакчасына 11 479 сом, Төрт-Гүл айыл аймагындагы "Жаңы-Жер" орто мектебине 45 326 сом, ал эми Лейлек райондук Маданият үйүнө 372 196 сом

Улуттук банк 3 акча алмашуу бюросунун лицензиясынын аракетин токтотту

КРнын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы жана Ысык-Ата районундагы 3 акча алмашуу бюросунун лицензияларынын аракети убактылуу токтотулду. Улуттук банктын басма сөз кызматынын маалыматына ылайык, төмөнкү алмашуу бюролорунун ишине убактылуу чектөө киргизилди: * Ысык-Ата району (КПП «Ак-Тилек») “Амантур лтд” алмашуу

Чүйдө сел жана суу ташкындарынын алдын алуу иштери күчөтүлөт

Өзгөчө кырдаалдар министри Канатбек Чыныбаев Президенттин Чүй облусундагы ыйгарым укуктуу өкүлү Элкинбек Аширбаев менен биргеликте облустагы бир катар объектилерди текшерди. Ведомствонун маалыматына ылайык, иш сапардын алкагында Сокулук районунун Исмаил айылындагы сел өтүүчү каналдын абалы менен таанышып, анын натыйжалуу иштешин камсыз кылуу боюнча чараларды көрүү чечими кабыл алынды. Москва районунда министр