Улан Ниязбеков Грузиянын премьер-министри менен жолугушту
Ички иштер министри Улан Ниязбеков 14-августта Грузиянын премьер-министри Ираклий Кобахидзе менен жолугушту. Бул тууралуу ИИМдин басма сөз кызматы билдирди.
Маалыматка ылайык, жолугушууда Кыргызстан менен Грузиянын ортосундагы кызматташтыкты өнүктүрүү, анын ичинде коопсуздук жаатындагы өз ара аракеттенүү маселелери талкууланды.
Тараптар коопсуздукту жана туруктуулукту камсыз кылууга, заманбап чакырыктарга жана коркунучтарга каршы туруу боюнча кызматташтыкка өзгөчө көңүл бурушту.
Мындан тышкары, эки өлкөнүн тиешелүү мамлекеттик органдарынын ортосунда тажрыйба алмашууну күчөтүүнүн маанилүүлүгү белгиленди.
Жолугушуу кыргыз-грузин кызматташтыгын бекемдөөгө жана коопсуздук жаатындагы өз ара аракеттенүүнү өнүктүрүүгө багытталды.
