Казакстанда Курултайга шайлоонун алдын ала жыйынтыгы жарыяланды
Казакстандын Борбордук шайлоо комиссиясы 23-августта өткөн Курултайга биринчи шайлоонун алдын ала жыйынтыгын жарыялады. Алдын ала эсеп боюнча беш партия жаңы парламентке өттү.
Казакстандын басылмалары жарыялаган маалыматтарга таянсак, эң көп добушту “Адилет” партиясы - 71,17% алды. Андан кийинки орундарда “Ауыл” - 6,26%, Республика - 5,56%, “Ак жол” - 5,21% жана ОСДП - 5,11% добуш менен турат. Шайлоочулардын 2,51%ы “баарына каршы” добуш берген.
Шайлоого катышуу көрсөткүчү чет өлкөлөрдөгү добуш берүүнү кошкондо - 74,08% түздү. Өлкө боюнча 9,3 млн адамдан ашык шайлоочу добуш берген. Бул көрсөткүч акыркы жылдардагы жогорку көрсөткүчтөрдүн бири болуп саналат.
Алдын ала эсептөөлөргө ылайык, “Адилет” партиясы Курултайдагы 110–112 мандатка ээ болушу мүмкүн. “Ауыл” 9–10, Respublica 8–9, ал эми “Ак жол” жана ОСДП 8ден мандат алышы күтүлүүдө.
Курултай — Казакстандын жаңы бир палаталуу парламенти. Анын курамы 145 депутаттан турат.
“Курултай” - деген сөз байыркы түрк элдеринде мамлекеттик маанидеги маанилүү маселелерди чечүү үчүн өткөрүлгөн жалпы элдик жыйынды түшундүрөт. Сөздүн түпкү мааниси “чогулуу”, “жыйын” же “кеңеш” түшүнүктөрү менен байланыштуу. Казакстанда бул байыркы түрк сөзү эми - жаңы бир палаталуу парламенттин аталышы катары колдонулат.
