“Түндүк” ачык акционердик коому жоюлуп, “Кызмат” мекемесине бириктирилди
Президент Садыр Жапаров “Түндүк” ачык акционердик коомун жоюуга байланыштуу жарлыкка кол койду.
Ага ылайык, компаниянын функциялары, милдеттери, финансылык жана материалдык-техникалык каражаттары “Кызмат” мамлекеттик мекемесине өткөрүлөт.
Мындай чечим эки уюм аткарып келген окшош иштерди бириктирип, кайталанган функцияларды жоюу жана мамлекеттик санариптик системаларды башкарууну натыйжалуу кылуу максатында кабыл алынганы түшүндүрүлдү.
Ошондой эле “Түндүктүн” кызматкерлеринин кайсы бөлүгү “Кызмат” мекемесине жумушка алынары функционалдык талдоодон кийин аныкталат.
Ал эми жарандар үчүн “Түндүк” платформасы менен мобилдик тиркеменин ишинде өзгөрүү болбойт. Тиркеме жана андагы мамлекеттик кызматтар мурдагыдай эле толук иштей берет.
