Кыргызстанга 21 мамлекеттин президенти келет
31-августта “Бишкек Аренада” Дүйнөлүк көчмөндөр оюндарынын ачылышы өтөт. 1-сентябрга ШКУнун саммити пландалган.
Президенттин басма сөз катчысы Аскат Алагөзовдун маалыматына ылайык, Кыргызстанга алгачкы жолу 21 мамлекеттин жетекчилери келет.
Кыргызстанга Кытайдын лидери Си Цзиньпин, Орусиянын президенти Владимир Путин, Беларустун президенти Александр Лукашенко, Казакстандын президенти Касым-Жомарт Токаев, Өзбекстандын президенти Шавкат Мирзиев, Ирандын жогорку лидери Можтаба Хаменеи, Пакистандын премьер-министри Шехбаз Шариф, Тажикстандын президенти Эмомали Рахмон келет.
ШКУга байкоочу катары Монголия жана Ооганстан катышат. Ал эми ШКУнун диалог боюнча өнөктөштөрү катары Азербайжан, Армения, Камбоджа, Непал, Түркия, Шри-Ланка, Мысыр, Сауд Арабия, Катар, Бахрейн, Мальдив, Мьянма, БАЕ, Кувейт, Лаос катышат.
