Саясат

Садыр Жапаров менен БУУнун Башкы катчысы Антониу Гутерриш жолукту

Сапар Акунбеков

31 авг. 2026 14:43

Президент Садыр Жапаров 31-августта, “ШКУ+” жолугушуусуна жана VI Дүйнөлүк көчмөндөр оюндарынын ачылыш аземине катышуу үчүн Кыргызстанга келген Бириккен Улуттар Уюмунун Башкы катчысы Антониу Гутерриш менен жолугушту. Бул тууралуу президенттин расмий баракчасына жарыяланды.

Маалыматка ылайык, жолугушуунун башында мамлекет башчысы Антониу Гутерришке Кыргызстанга келүүгө чакырууну кабыл алгандыгы үчүн ыраазычылык билдирип, Кыргызстандын Шанхай кызматташтык уюмуна төрагалыгы Уюмдун түзүлгөнүнүн 25 жылдыгына жана өлкөнүн эгемендүүлүгүнүн 35 жылдыгына туш келип жатканын белгиледи.

Тараптар БУУ менен өз ара аракеттенүүнүн келечегин, эл аралык күн тартибиндеги актуалдуу маселелерди, ошондой эле тоолуу аймактарга жана климатка байланыштуу демилгелерди дүйнөлүк деңгээлде илгерилетүү маселелерин талкуулашты.

Өзгөчө көңүл Кыргызстандын 2027-2028-жылдары БУУнун Коопсуздук Кеңешинин туруктуу эмес мүчөсү катары иш алып баруусуна бурулду.

Мамлекет башчысы Коопсуздук Кеңешиндеги иштин артыкчылыктуу багыттары катары эл аралык тынчтыкты жана коопсуздукту чыңдоону, чакан жана өнүгүп келе жаткан мамлекеттердин эл аралык процесстердеги ролун кеңейтүүнү, ошондой эле климаттык чакырыктарды жана тоолуу аймактардын көйгөйлөрүн чечүүдө эл аралык аракеттерди бириктирүүнү белгиледи.

Буга байланыштуу 2027-жылдын 21-23-октябрында Бишкекте өтө турган “Бишкек+25” Экинчи глобалдык тоо саммитине даярдык маселеси талкууланды. Саммит 2023-2027-жылдарга карата Тоолуу аймактарды өнүктүрүү боюнча эл аралык иш-аракеттердин беш жылдыгынын жыйынтыктоочу иш-чарасы болот.

Президент Садыр Жапаров БУУга Саммитти биргелешип уюштурууну сунуштады.

Уюмдун иш-чарага катышуусу анын эл аралык камтуусун кеңейтип, тоолуу аймактарды туруктуу өнүктүрүү маселелерин талкуулоого көптөгөн мамлекеттердин жана эл аралык өнөктөштөрдүн кеңири чөйрөсүн тартууга өбөлгө түзөрү күтүлүүдө.

Жолугушуунун жыйынтыгында Кыргызстан менен Бириккен Улуттар Уюмунун ортосундагы өз ара аракеттенүүнү жана практикалык кызматташтыкты мындан ары да бекемделмекчи.

Мындан тышкары окуңуз

Азербайжандын президенти Илхам Алиев Кыргызстанга келди

Азербайжандын президенти Илхам Алиев Кыргызстанга жумуш сапары менен келди. “Манас” эл аралык аэропортунан Министрлер Кабинетинин төрагасы Адылбек Касымалиев тосуп алды. Илхам Алиев "ШКУ плюс" форматындагы жогорку деңгээлдеги жолугушууга жана VI Дүйнөлүк көчмөндөр оюндарынын ачылыш аземине катышуу үчүн Кыргызстанга келди. Азербайжандын президентине Кыргызстандын улуттук символу жана VI Дүйнөлүк көчмөндөр

Армениянын премьер-министри Никол Пашинян Кыргызстанга келди

Армениянын премьер-министр Никол Пашинян Кыргызстанга жумуш сапары менен келди. “Манас” эл аралык аэропортунан аны Министрлер Кабинетинин төрагасы нын Адылбек Касымалиев тосуп алды. Никол Пашинян "ШКУ плюс" форматындагы жогорку деңгээлдеги жолугушууга жана VI Дүйнөлүк көчмөндөр оюндарынын ачылыш аземине катышуу үчүн Кыргызстанга келди. Армениянын премьер-министрине Кыргызстандын улуттук символу

Лаостун президенти Тхонглун Сисулит Кыргызстанга келди

Лаос Элдик Демократиялык Республикасынын президенти Тхонглун Сисулит Кыргызстанга жумуш сапары менен келди. “Манас” эл аралык аэропортунан аны Министрлер Кабинетинин төрагасынын биринчи орун басары Данияр Амангелдиев тосуп алды. Лаос Республикасынын Президенти Тхонглун Сисулит "ШКУ плюс" форматындагы жогорку деңгээлдеги жолугушууга жана VI Дүйнөлүк көчмөндөр оюндарынын ачылыш аземине катышуу үчүн Кыргызстанга

Ирандын президенти Масуд Пезешкиан Кыргызстанга келди

Иран Ислам Республикасынын президенти Масуд Пезешкиан Кыргызстанга жумуш сапары менен келди. “Манас” эл аралык аэропортунан аны Министрлер Кабинетинин өрагасы Адылбек Касымалиев тосуп алды. Масуд Пезешкиан ШКУга мүчө мамлекеттердин башчыларынын кеңешинин кезектеги жыйынына, “ШКУ плюс” форматындагы жогорку деңгээлдеги жолугушууга жана VI Дүйнөлүк көчмөндөр оюндарынын салтанаттуу ачылыш аземине катышуу үчүн Кыргызстанга келди.