Садыр Жапаров менен Си Цзиньпиндин расмий жолугушуусу болду
31-августта Бишкек шаарында президент Садыр Жапаров менен өлкөгө мамлекеттик сапары менен келген Кытайдын төрагасы Си Цзиньпиндин расмий жолугушуу аземи болуп өттү.
Кытай лидеринин кортежи атчандардын коштоосунда “Ынтымак Ордого” келди. Эки өлкө лидерлери бири-бири менен салам алышкан соң Кыргызстан менен Кытайдын мамлекеттик гимндери жаңырды.
Андан кийин Садыр Жапаров менен Си Цзиньпин расмий делегация мүчөлөрү менен тааныштырды. Мындан соң Ардак кароолдун аскер кызматкерлери мамлекет башчыларынын алдында салтанаттуу жүрүш менен өттү.
Белгилей кетсек, президент Садыр Жапаровдун чакыруусу менен Кытайдын төрагасы Си Цзиньпин күн мурун, 30-августта Кыргызстанга мамлекеттик сапары менен келген.
Кытайдын лидери Эгемендүүлүктүн 35 жылдыгына арналган салтанаттуу иш-чараларга, Шанхай кызматташтык уюмуна мүчө мамлекеттердин башчыларынын кеңешинин жыйынына жана башка иш-чараларга катышары күтүлүүдө.
