Жогорку Кеңеш Максат Асаналиевди УКМКнын төрагасы кылып бекитти
2-сентябрда Жогорку Кеңеш Максат Асаналиевди Улуттук коопсуздук боюнча мамлекеттик комитеттин төрагасы кызматына дайындоого макулдук берди. Бул маселе парламенттин жыйынында каралды.
Президенттин жана Министрлер кабинетинин Жогорку Кеңештеги ыйгарым укуктуу өкүлү Бектур Зулпиев депутаттардын кароосуна президенттин сунушун жана талапкер тууралуу маалымат берди.
Талкуудан кийин депутаттар тиешелүү токтомду кабыл алып, Асаналиевдин УКМКнын жетекчиси кызматына дайындалышына макулдук беришти.
Белгилей кетсек, Максат Асаналиев Башкы прокурор кызматынан кеткенден кийин, 30-июнда УКМКнын төрагасынын милдетин аткаруучу болуп дайындалган эле.
