Москва районуна жаңы сот биринчи жолу 5 жылдык мөөнөткө дайындалды
3-сентябрда Чүй облусунун Москва райондук сотунда биринчи жолу 5 жылга дайындалган судьянын ант берүү аземи өттү. Бул тууралуу Жогорку соттун басма сөз кызматы билдирди.
Президенттин жергиликтүү соттордун судьяларын беш жылдык мөөнөткө дайындоо жөнүндө жарлыгына ылайык, Шадыбеков Артур Кадырбекович аталган аймакка сот болуп дайындалды.
Жогорку соттун төрагасы Медербек Сатыев ага сот адилеттигин жүзөгө ашырууда мыйзамдуулукту, калыстыкты жана адилеттүүлүктү сактап, берген антына бекем турууну эскертти.
Белгилей кетсек, шайланган же дайындалган судьянын ыйгарым укуктары ант берген күндөн тартып күчүнө кирет.
