Токой чарбасы: Кыргызстан Монголия менен кызматташууну күчөтөт
Борбор Азиялык органикалык форумдун жана Улан-Батор шаарында өткөн "Expo0-2026" эл аралык көргөзмөсүнүн алкагында Кыргызстан менен Монголиянын Токой кызматы кызматташуу жөнүндө меморандумга кол коюшту.
Кыргызстандын токой жана жер пайдалануучулар ассоциациясынан билдиришкендей, документ токойлорду туруктуу башкаруу, жерлерди калыбына келтирүү, токой өстүрүү жана тажрыйба алмашуу багыттарында кызматташтыкты өнүктүрүүгө багытталган.
Кызматташтыктын маанилүү багыттарынын бири катары Монголиянын "Бир миллиард дарак" мамлекеттик ири программасы белгиленди.
Белгиленгендей, меморандум эки өлкөнүн тиешелүү мекемелеринин ортосунда тажрыйба алмашуу жана токой чарбасын өнүктүрүү боюнча биргелешкен иштерди жүргүзүү мүмкүнчүлүктөрүн кеңейтет.
