Жогорку кеңеш - эмгек министри менен юстиция министрин дайындоого макулдук берди
Жогорку Кеңеш Алмаз Имангазиевди эмгек, социалдык камсыздоо жана миграция министри, ал эми Алмаз Айылчиевди юстиция министри кызматына дайындоого макулдук берди.
Буга чейин эки талапкерди тең парламенттин Конституциялык мыйзамдар, мамлекеттик түзүлүш, жергиликтүү өз алдынча башкаруу жана регламент боюнча комитети тарабынан жактырып, Жогорку Кеңештин кароосуна жөнөткөн.
Алмаз Имангазиев Эмгек, социалдык камсыздоо жана миграция министрлигине келгенге чейин тышкы иштер министринин орун басары болуп иштеген. Ал 7-сентябрда эмгек, социалдык камсыздоо жана миграция министринин милдетин аткаруучу болуп дайындалган. Буга чейин бул кызматты Канат Сагынбаев аркалап келген.
Ал эми Алмаз Айылчиев министрдин милдетин аткаруучу болуп дайындалганга чейин Президенттин администрациясында президенттин жана министрлер кабинетинин укуктук камсыздоо башкармалыгынын башчысынын орун басары кызматын аркалаган.
