Садыр Жапаров Арменияга расмий иш сапар менен барды
Президент Садыр Жапаров 15-октябрда Арменияга расмий сапар менен барды. Сапардын алкагында ал БУУнун Биологиялык ар түрдүүлүк жөнүндө конвенциясынын тараптарынын 17-конференциясынын (COP17) алкагында өткөн Лидерлер саммитине катышты.
Бул расмий иш сапар Армениянын премьер-министри Никол Пашиняндын чакыруусу менен уюштурулган. Алгач Садыр Жапаров Лидерлер саммитинин расмий ачылыш аземине катышты. Иш-чара өтүүчү жайда аны Армениянын президенти Ваагн Хачатурян жана премьер-министри Никол Пашинян тосуп алышты. Аземдин жүрүшүндө мамлекеттердин жана өкмөттөрдүн башчыларына театралдаштырылган көрсөтүү тартууланды.
Президенттин басма сөз кызматынын маалыматына караганда, расмий иш сапар 17-октябрга чейин уланат. Анын алкагында Садыр Жапаров Армениянын жогорку жетекчилиги менен эки тараптуу сүйлөшүүлөрдү өткөрөт.
Сапардын жыйынтыгында кызматташтыктын ар кыл багыттары боюнча бир катар эки тараптуу документтерге кол коюу пландалууда.
