ЖК комитети Токтогул ГЭСин куруудагы компенсацияны көбөйтүү боюнча мыйзам долбоорун жактырды
Жогорку Кеңештин тармактык комитети Токтогул районунун жана Кара-Көл шаарынын Жазыкечүү айылынын аймагында Токтогул ГЭСин жана суу сактагычты курууда келтирилген зыян үчүн компенсациянын көлөмүн көбөйтүү боюнча мыйзам долбоорун биринчи окууда жактырды.
Парламенттин маалыматына караганда, аталган мыйзам долбоорун ЖКнын Финансы, бюджет, ишкердик жана атаандаштыкты өнүктүрүү боюнча комитети 20-октябрдагы жыйынында карап, Министрлер кабинетинин корутундусун эске алуу менен колдогон.
Мыйзам долбоорунун максаты - Жазыкечүү айылынын туруктуу социалдык-экономикалык өнүгүүсү үчүн шарттарды түзүү болуп саналат.
Документке ылайык, жылдык компенсациянын өлчөмүн 70 млн сомдон 358 млн сомго чейин көбөйтүү сунушталууда.
Аталган мыйзам долбоорун Жогорку Кеңештин депутаттары Б.Борбиев, М.Маматалиев, Т.Масабиров, К.Талиева, Ж.Салымбеков, Ы.Атажанов, А.Алтынбеков, Д.Бекешев, А.Исираилов, Р.Жунушбаева, А.Карабекова, М.Жеенчороев, Д.Джумабеков, Г.Сатиева, Г.Култаева, Ж.Садырбаева, Б.Калпаев, Б.Эргешов демилгелеген.
